13
Jun
08

Moenie snags in Jhb land, maan VN

Source: http://www.news24.com/Beeld/Suid-Afrika/0,,3-975_2339875,00.html
Jun 12 2008 09:47:41:223PM – (SA)

Erika Gibson

Die Verenigde Nasies (VN) het sy personeel in Suid-Afrika gewaarsku om nie hul selfone op straat te gebruik nie en liefs nie snags by die O.R. Tambo-lughawe te land nie.

Dít is in die VN se jongste reiswaarskuwing oor Suid-Afrika.

Suid-Afrikaners wat vir die VN werk, het gister gesê hulle skaam hulle vir hul land wat nou met dié waarskuwing tot op dieselfde vlak as konflikgeteisterde lande soos Soedan “gedaal” het.

Dié waarskuwing plaas wêreldwyd gebiede in sekere risikokategorieë met “geen fase” wat geld as daar geen bedreiging is nie en “fase vyf” as die stadium waar VN-werkers uit ’n land verwyder word.

Fase een, waar werkers gemaan word om versigtig te wees, geld nou die hele Suid-Afrika.

Fase twee, waar hulle nie in bepaalde gebiede mag beweeg nie, geld in die meeste gebiede wat onlangs onder xenofobiese geweld deurgeloop het: die Johannesburgse middestad, Boksburg, Hillbrow, Mamelodi, Mooikloof, Durban, die Kaapse Vlakte, Brits, Sasolburg, Knysna en Jeffreysbaai.

“Daar is xenofobiese aanvalle op buitelanders in informele nedersettings. Alle personeel moet dus wegbly uit dié gebiede en werksverwante ritte met die VN-kantore in Suid-Afrika koördineer. Veiligheidsvoorligtings by dié kantore is verpligtend vir almal.

“Gewelddadige misdaad op straat met vuurwapens raak alle VN-personeel in Suid-Afrika primêr.

“Besoekers is meer weerloos teen dié bedreiging omdat hulle bewustheid en voorbereidings tekortskiet.

“Onlangse voorvalle toon dat Gauteng (Johannesburg en Pretoria) die ergste (deur dié bedreiging) geraak word en ’n merkbare toename in gewapende rooftogte ervaar.

“In die meeste gevalle word slagoffers in hul opritte of by hotelingange met vuurwapens besteel wanneer hulle van die lughawe ry,” lui die waarskuwing.

“Tref vooraf vervoerreëlings en vermy dit om snags op Johannesburg se lughawe te arriveer. Moenie buitelandse geld by die lughawe omruil nie en vermy dit sover moontlik om enige persoonlike besonderhede uit te gee.

“Wanneer VN-werknemers in ’n motor of taxi reis, moet alle besittings in die kattebak of op die vloer buite sig geplaas word.”

Dié waarskuwings word maandeliks uitgereik en aangepas.

Advertisements

0 Responses to “Moenie snags in Jhb land, maan VN”



  1. Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: