07
Jun
08

Diewe verkrag ma én dogter

Me. Marissa du Toit (55) vertel die afgelope week van haar nagmerrie-ondervinding Foto: Nardus Engelbrecht

Source: http://www.news24.com/Beeld/Suid-Afrika/0,,3-975_2336386,00.html

Jun 06 2008 09:53:28:037PM – (SA)
Me. Marissa du Toit (55) vertel die afgelope week van haar nagmerrie-ondervinding Foto: Nardus Engelbrecht

Aldi Schoeman

‘Ek glo nie iets ergers kan met ’n mens gebeur nie. Hulle kon my eerder doodgeskiet het.”

Só vertel me. Marissa du Toit (55) nadat sy en haar dogter, Karen (32), by hul huis in Boksburg aan die Oos-Rand verkrag is.

Die Du Toits is in die vroeë oggendure van Saterdag 17 Mei deur vier mans oorval, verkrag en beroof.

“Ek het wakker geword toe hulle die lig aansit. Twee het aan die een kant van die bed gestaan en twee aan die ander kant,” het Marissa du Toit vandeesweek in Kempton Park vertel. Sy is ’n ontvangsdame by makelaars.

“Hulle het my voete met drade vasgebind, my hande agter my rug met skoenveters vasgebind en ’n kous in my mond geprop.

“Hulle het die serp wat ek die dag aangehad het, oor my mond vasgebind.”

Du Toit het vertel hulle het weer haar voete losgemaak, haar nagklere uitgetrek en haar om die beurt verkrag.

Die eerste man wat haar verkrag het, het haar Bybel oor haar gesig gehou.

“Die ander het ’n kussing oor my gesig gehou.”

Du Toit het gesê haar dogter is op dieselfde manier in haar slaapkamer verkrag.

Hulle is nie seker wie eerste verkrag is nie.

Ná die verkragtings het die boewe toerusting, handelsmerkklere en kruideniersware uit die kaste gesteel.

Du Toit het gesê haar dogter moes hulle help om haar Mazda se alarm te deaktiveer voordat hulle met die goedere in die motor weg is.

“Hulle het hul klere uitgetrek en in my dogter se kamer gelos. Ek het van hul tekkies tussen my onderklere gekry,” het sy vertel.

Die handelsmerkklere kom van haar seun wat in Kentucky in die VSA bly.

Du Toit het gesê die rowers het “voorbereid” voorgekom omdat hulle geweet het om in die gangkas vir handelsmerkklere te soek en geen wapens gedra het nie.

Sy vermoed ook haar huiswerker van die afgelope jaar was betrokke, want sy het nie weer ná die voorval vir werk opgedaag nie.

Du Toit het gesê die ergste is dat sy nou moet wag om te hoor of sy MIV-positief is.

Sy en haar dogter is die oggend ná die voorval na die Unie-hospitaal, waar hulle profilakse gekry het om te voorkom dat hulle dié virus kry.

Du Toit het gesê hulle was te bang om in die huis aan te bly en het na ’n veiligheidskompleks in ’n ander deel van Boksburg getrek.

Kapt. Mack Mngomezulu, polisiewoordvoerder, het bevestig die saak is aangemeld

Advertisements

0 Responses to “Diewe verkrag ma én dogter”



  1. Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: