27
May
08

Dokter en familie in Kameeldrift vasgebind, beroof

Source: http://www.news24.com/Beeld/Suid-Afrika/0,,3-975_2330225,00.html
May 27 2008 10:09:46:870PM – (SA)
Hilda Fourie

’n Dokter en sy gesin is eergisteraand in hul huis in die Leeuwfontein-landgoed in die Kameeldrift-omgewing, noordoos van Pretoria, oorval, vasgebind en beroof.

Insp. Sipho Mabena, polisiewoordvoerder, het gesê die man en sy gesin se name kan weens veiligheidsredes nie bekend gemaak word nie.

Dié voorval is die jongste in ’n reeks aanvalle op mense in die Kameeldrift-omgewing.

Mabena het gesê vyf gewapende mans het eergisteraand omstreeks 20:00 toegang tot die huis gekry.

Die dokter, sy vrou, skoonma en drie minderjarige kinders was in die huis.

“Die rowers het die familie vasgebind en vier plasmaskerm-televisies gesteel,” het Mabena gesê.

“Hulle wou die dokter se motor ook steel, maar het skynbaar daarteen besluit. Van die televisies is in die motor gevind. Die rowers het te voet gevlug.”

Dit is nog nie duidelik hoe die rowers toegang tot die landgoed verkry het nie.

Rowers het verlede week by drie huise in die Leeuwfontein-landgoed probeer inbreek voordat hulle me. Anna Nieman (65) in haar huis oorval en toe geskiet het. Sy is in die bors en maag getref.

Die rowers het toe met ’n handsak en ’n selfoon gevlug.

Beeld het vroeër berig dat ’n bende van sowat 20 lede vermoedelik die Kameeldrift-omgewing die afgelope paar maande teister.

Nege bendelede is reeds vasgetrek. Dié bendelede word reeds met 18 dossiere van moorde, verkragtings en gewapende rooftogte in die Kameeldrift-omgewing verbind.

’n Groep mense van die Familie NG kerk Kameeldrift het Sondag hul koppe kaal geskeer uit protes teen die vlaag misdaad wat hul omgewing getref het.

Mabena het gesê niemand is nog vir die aanval op die dokter en sy gesin in hegtenis geneem nie.

’n Saak van roof met verswarende omstandighede word ondersoek.

Advertisements

0 Responses to “Dokter en familie in Kameeldrift vasgebind, beroof”



  1. Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: